Salakyan nga kargado sang ginalon nga mga krudo kag gasolina aksidente nga nagbaliskad sa Brgy. Culasi, Roxas City

ROXAS CITY – Padayon ang imbestigasyon sang mga kapulisan sa nagluntad nga aksidente sa diin ginaalegar nga aksidente nagbaliskad ang isa ka salakyan sa Sitio Nipa, Barangay Culasi, Roxas City.

Ginkilala ang driver sang salakyan kay Alberto Arcabal 48-anyos sang Barangay Tanque sining siyudad.

Base sa imbestigasyon sang mga kapulisan nga samtang ginasubay sini ang nasambit nga dalanon padulong sa Barangay Culasi sining siyudad sang hinali na lamng ini nadulaan sang kontrol sa pagmaneho.

Bangud diri, nagbaliskad ang nasambit nga salakyan nga kargado sang ginalon nga mga krudo kag gasolina rason nga nag-angkon man ini sang pilas sa lawas kag gilayon nga gindapatan sang nagakaigo nga pagbulong.