ROXAS CITY – Nag-angkon sang gasgas kag menor nga kahalitan ang isa ka salakyan matapos nga bumunggo sa isa ka pader sa Fuentes St., Barangay XI, sini nga syudad.
Sandig sa pagpangusisa sang Bombo Radyo sa lugar, alas-9 kaina sang aga ginbilin ni Kim Babela, 20-anyos ang Ford Fiesta nga salakyan sa isa ka carwash sa lugar, matapos ang isa ka oras ginpakamaayo sang carwash boy nga si Kyne Rosas, 18-anyos, nga idugon ang salakyan, apang aksidente nga bumulhog ang salakyan kag dumiretso bunggo sa pader.
Naulamid man ang pampasahero nga traysikol nga ginamaneho ni Leonard Cortado Jr, 46 sakay ang ginkulbaan nga pasahero nga si Darlene Anoche, 44, nga naglabay lamang sa lugar.
Sa karon, padayon ang imbestigasyon sang kapulisan kag ang pakighinala sang nadalahig nga mga persona.
