-- ADVERTISEMENT --
ROXAS CITY-Nagpabalhag sa Roxas City Police Station ang 31-anyos nga sales lady matapos nga nadula ang iya nga kahita sa sulod sang iya shoulder bag sa sulod sang isa ka dako nga mall sa San Roque Extension, Barangay VIII, Roxas City.
Suno sa ginpabalhag ni Rhea Mosico sang Barangay Lanot, sining siyudad, nga samtang yara sa sulod sang nasambit nga mall, nadiskubrehan na lamang sini nga wala na ang iya nga wallet nga may unod nga kapin P2,200 nga kwarta.
Magluwas sa kahita sini nadula man ang pila sini ka mga dokumento.
Bangud diri, ginpakamaayo na lamang sini nga iparekord sa pulisya ang natabo.
