Secondary boys basketball team sang Region 6, nakasiguro na sang pwesto sa quarterfinals sang Palarong Pambansa 2019

ROXAS CITY – Nakasiguro na sang pwesto sa quarterfinals ang Secondary Boys basketball team sang Western Visayas Regional Athletic Association (WVRAA) sa nagapadayon sa karon nga Palarong Pambansa 2019 sa Davao City.

Ini ang ginkompirma mismo ni coach Jeffry Abool sang mainterview sang Bombo Radyo Roxas.

Suno kay Abool, sigurado na nga makahampang sa quarterfinals ang ila nga team matapos makarehistro sang tatlo ka sunod nga daog sa ila nga bracket.

Mahibaluan nga una nga ginlutos sang ila nga team ang hubon sang MIMAROPA ukon Region 4B, Northern Mindanao ukon Region 10 kag kahapon, nakuha man sang hubon ang 79-81 nga daog batuk sa hubon sang SOCCSKSARGEN ukon Region 12.

Positibo si Abool nga makahimo sang kasaysayan subong nga tuig ang delegasyon sang Region 6 sa nasambit nga sporting event.

Target sang basketball team nga malapawan pa ang 3^rd place nga ranking kag makahampang sa championship round ang mga atleta sa Western Visayas.