ROXAS CITY-Nagapangayo sang pasaylo sang 27-anyos nga self confess killer sa himata ang 63-anyos nga tigulang nga iya ginpatay sa Capricho II, Barangay Tanque Roxas City.
Sa interview sang Bombo Roxas sa kay Alyas Mike, self confess killer kag residente sang Barangay Banica, sining siyudad ginpahayag sini nga nakahanda ini nga atubangon kag bayaran sa karsel kun mapamatud-an nga siya ang nagpatay sa biktima nga si Joselito Baltazar.
Apang nagapangayo gid ini sang pasaylo sa pamilya sang biktima kag gin-athag nga wala ini sang intensyon nga patyon ang biktima.
Liwat nga nagdepensa si Alyas Mike nga self defense gid lamang ang natabo sa pagpatay sa biktima.
Suno sa kay Mike nga gin-unahan ini sang buno sang biktima apang nakatigayon ini nga makalikaw rasun nga nag-inagaw ini sila sang kutsilyo.
Ginpanindugan sini nga ang biktima mismo ang nakabuno sa iya nga kaugalingon nga leog.
Samtang hugot naman nga ginpanginwala ni Alyas Mike nga ginkawat sini ang kiwatta sang biktima.
Suno sa kay Ayas mike nga wala sang kamatuoran nga ginkawat sini ang kuwarta sang biktima bangud ATM gid lamang ang luyag sini nga kuhaon.
Nagalaum naman ini nga bisitahon sang mga himata sang biktima agud personal sini nga madepensahan ang kaugalingon.
Sa karon nagapabilin sa karsel sang Roxas City Police Station ang nasambit nga suspetsado.
