Ginpahayag ni Senate President Pro Tempore Panfilo “Ping” Lacson nga mabudlay buy-an ang mga espekulasyon angut sa pagbisita ni Presidente Ferdinand Marcos Jr. sa Naga City sa Bicol sa pagpanguna ni anay Vice President kag karon Naga City Mayor Leni Robredo.
Suno sa iya,ang pagbisita sang Presidente sa Naga ang bangud sang ila Joint Monitoring para sa “Oplan Kontra Baha” sa probinsya.
Una na nga ginklaro sang bahin sang presidente nga wala sang may gin-istoryahan nahanungod sa 2028 national elections sa ila pagsinapol kay Mayor Robredo.
Samtang, sa separado nga pahayag, ginpahayag man ni Robredo nga ang iya focus sa subong amo ang pagserbisyo sa iya mga nasakupan sa syudad sang Naga kag wala direkta nga gin-address ang posibilidad nga magpadalagan siya liwat sa pagka-presidente sa 2028 national elections bilang posible kasumpong ni Vice President Sara Duterte.
