Hugot nga ginpanginwala ni Senador Bong Go ang ano man nga kaangtanan niya sa ginaalegar mga proyekto sang iya nga amay nga may koneksyon sa pamilya Discaya.
Sa isang ka pahayag, ginsiling ni Go nga wala siya sang kahilabtanan sa mga joint venture sang kumpanya nga CLTG Builders, nga ginapahayag may kaangtanan sa iya nga pamilya, kag St. Gerrard Construction, nga ginatagdumalahan ni Sarah Discaya.
Suno pa sa senador, bukas siya sa pagpatigayon sang imbestigasyon kag handa nga irekomenda ang pag-file sang kaso batok sa sin-o man nga mapamatuda-an nga naglapas sa layi — apisar pa ini ang mga paryente niya.
Sa pihak sang mga kontrobersiya, ginsiling sang senador nga nagapabilin siya nga tampad sa iya nga obligasyon kag wala sang mantsa ang iya nga trabaho bilang public servant.
Padayon nga ginabantayan sang publiko kag sang Senado ang isyu, lani na kag may kahilabtani ini sa paggamit sang pondo sang mga tawo sa mga proyekto nga pang-imprastraktura.
