Nagpangayo sang pasaylo si Senador Imee Marcos sa iya amay nga si anay President Ferdinand Marcos, Sr. bangud wala sini nabantayan sang maayo ang iya manghod nga si President Ferdinand “Bongbong” Marcos Jr.
Sa isa ka video post, gindumdom ni Imee nga panugyan sang iya amay nga maghinulsol kag magpamalandong kun sin-o ang iya dapat patawaron kag pangayuan sang kapatawaran sa tion sang Semana Santa.
Suno kay Imee nga nangin emosyonal man sa video nga madamo sang mga tawo ang yara sa likod sang pagbahin-bahin sang iya manghod.
Pahayag pa niya, madamo sang nagabalabag, nagabawal kag nagaguba sa ila relasyon nga mag-utod rason nga madugay na niya ini nga wala ma-estorya kag mabantayan sang maayo.
Nahibaluan nga nag-umpisa ang ila indi pag-intindihanay sang Nobyembre 2025 matapos gin-akusahan ni Imee ang Presidente nga nagagamit sang iligal nga droga, nga ginsabat man sang Malacañang bilang isa ka desperado nga alegasyon.
