Senior citizen, patay samtang nagaboto sa Marita Elementary School sa banwa sang President Roxas

Ginbawian sang hulam nga kabuhi ang isa ka senior citizen samtang nagbutar sa isa ka buluthuan sa Marita Elementary School sa banwa sang President Roxas.

Ang amo nga senior citizen ang nagapang-edaron sang 63-anyos nga residente man sang nasambit nga lugar.  

Sa interview sang Bombo Radyo kay Arnulfo Ladiet, School Principal sang Cabug-cabug National High School, ginpahayag sini nga samtang nagaboto ang amo nga tigulang sang hinali ini nga nag-uy-uy kag nahulog sa iya ginapungkuan.

Gintinguhaan pa nga mahatagan sang pauna nga pagbulong sang mga medical team nga yara sa nasambit nga buluthuan antes ini nga ginpadangat sa pinakamalapit nga ospital apang wala na ini nahingagaw pa kag dalayon ini nga ginbawian sang hulam nga kabuhi.