ROXAS CITY- Arestado ang ginakabig street level individual sa ginkasa nga buybust operation sa Sitio Bliss, Barangay Pantalan, President Roxas Capiz.
Sa impormasyon nga nakuha sang Bombo Radyo, nabakal sang nagpakilala nga poseur buyer sa wala na gin hingadlan nga persona ang isa ka unit nga homemade caliber 9mm revolver nga may tatlo ka mga bala sa balor nga 2,000.
Dugang pa nga nakuha sa paghinakop sini ang 2 ka sachets sang ginapatihan shabu nga may kabug-aton nga 5 ka gramos kag naga balor sang 45,000.
Magapangatubang sa panumbongon nga paglapas sa RA. 9165 ukon Comprehensive Dangerous Drugs Act of 2002 kag RA 10591 ukon Comprehensive Law of Firearms and Ammunitions Regulation Act.
Sa karon, yara na ini sa kustodiya sang President Roxas PNP, para sa nagakaigo nga disposisyon.
