Suspek nga nadakpan sa ginkasa nga drug buybust ops sa Brgy. Culasi, Roxas City, napasakaan na sang kaso

Napasakaan na sang kaso nga paglapas sa Republic Act 9165 ukon Comprehensive Dangerous Drugs Act of 2002 ang isa ka lalaki matapos ang ginkasa nga drug buybust operation sang mga katapo sang mga kapulisan sa Barangay Culasi, Roxas City.

Matandaan nga ginkilala ang nadakpan nga si alyas “Marvin”, 25-anyos nga residente sang Brgy. Milibili sa sini nga syudad.

Sa nakuha nga impormasyon sang Bombo Radyo nagikan sa Roxas City PNP, nakuha sa paghinakop sang suspek ang lima (5) tanan ka sachets sang suspected shabu kag P1,000.00 nga buy bust money.

Dugang pa sini nga wala ini sa listahan sang BADAC kag madugay na nila ini nga gina-monitor si Marvin.

Sa karon, yara ini sa kustodiya sang Roxas City Police Station para sa nagakaigo nga disposisyon.