Napasakaan na sang kaso nga paglapas sa Republic Act 9165 ukon Comprehensive Dangerous Drugs Act of 2002 ang tatlo ka indibidwal nga nadakpan sa ginkasa nga drug buy-bust operation sang mga kapulisan sa Crossing Bato, Brgy. Banica, Roxas City.
Matandaan nga ginkilala ang mga nagkaladakpan nga sanday alyas Joel, residente sang Barangay Balijuagan, Alyas menandro, residente sang Brgy. XI, kag upod sini nga si alyas Christian nga residente naman sang Brgy. Inzo Arnaldo, Roxas City.
Matandaan nga nakuha sa posisyon sang mga nagkaladakpan ang 33 tanan ka sachets sang ginapatihan shabu nga ginabulubanta may kabug-aton nga (150) ka gramos kag may standard drug price nga nagabalor sang kapin P1-Million, 100 buybust money, 14,900 counterfeited money sa magkalain lain nga denominasyon, cellphone kag iban pa nga mga drug paraphernalia.
Sa karon, nagapabilin ang mga nagkaladakpan sa kustodiya sang mga otoridad para sa nagakaigo nga disposisyon.
