Balantayan sa karon si Taylor Sheesh kun sa diin ginapahayag nga maga-perform man ini sa palaabuton nga Sinadya 2024.
Suno kay Hon. Fernando Luis Viterbo, a ginhiwat nga 114th Regular Session sang Office of the Sangguniang Panlungsod sang Roxas, ginpahayag sini nga dugang sa maga-perform sa Sinadya amo si Taylor Sheesh, apang wala pa ini sang schedule sang pag-perform sini sa nasambit nga kahiwatan.
Gintuad man ni Viterbo nga wala sang paghulag ang nahinalaan nga budget para sa mga performers sang damlag lang.
Dugang pa sini, ang full concert for free ni Sarah Geronimo ang labing una nga hitabo sa bilog nga Western Visayas nga kun sa diin magakanta ini sang sobra sa lima ka mga ambahanon.
Mahibaluan nga magaupod man ang 16 ka mga entourages ni Sarah Geronimo para sa iya sini nga performance.
Ginalauman naman sang City Government nga magadugok ang mga katawhan sa palaabuton nga kahiwatan.
