Gin-athag sang Traffic Management Unit (TMU) sang Roxas City nga may pila na sila ka nabaton nga reklamo halin sa mga motorista angut sa indi makaparking sa Teodoro Arcenas Trade Center
Sa interview sang Bombo Radyo kay George Aguil, supervisor sang Traffic Management Unit, iya ginpahayag nga halos puno na gid ang parking area bangud kalabanan sa mga nagapwesto may mga salakyan. Nagapaninghuya man ang TMU nga mapahawan ang tuman nga trapiko, apang madamo gid sang mga salakyan sa lugar.
Dugang pa niya, naga-assist man permi ang mga personnel sang Traffic Management Unit, apang kulang gid ang parking space.
ginpangabay man sini ang publiko nga magsunod sang traffic rules samtang ginahulat ang mas nagakaigo nga solusyon para sa isyu sang parking.
