ROXAS CITY – Nagpabalhag ang isa ka traffic auxiliary matapos nga ginaalegar ginhambalan sang mga malain nga tinaga sang driver sang isa ka salakyan sa Barangay Tanque, Roxas City.
Sandig sa ginpabalhag sang tagreklamo nga si Gerald Borreros 25-anyos sang Barangay Barra sining siyudad nga samtang naga-asister ini sa mga estudyante gikan sa isa ka buluthuan nga nagatabuk sa pedestrian lane sang hinali na lamang nga nagpark sang iya salakyan si Dandy Lojares 54-anyos sang Barangya Punta Tabuc sining siyudad sa dalan sa diin may nabutang nga signage nga “No Parking”.
Bangud diri, ginbadlong ni Borreros ang nasambit nga driver tubtob nga nag-angkon sang indi pag-intiendihanay ang duha kag ginhambalan ini sang malain nga mga tinaga ni Lojares.
Kasunod sini, ginpakamaayo na lamang sang tagreklamo nga iparekord sa pulisya ang natabo.
