Temporaryo nga ginhilway sa karsel ang 60-anyos nga driver sang tricycle nga nakuhaan sang illegal nga droga bangud sa ginpadala sa iya nga pagkaon sang wala niya makilala nga babaye sa Capiz Rehabilitation Center.
Matandaan nga ginkilala ang amo nga lalaki kay alyas “Nonong”, 60-anyos kag residente sang Barangay Dinginan, sini nga siyudad
Sa nakuha nga impormasyon sang Bombo Radyo sa Roxas City Pnp, ginpahayag nga ginhilway na ini sa karsel sang Roxas City Police Station matapos nga nakapyansa sang balor P10, 000 nga ginrekomendar sang korte para sa iya temporaryo nga kahilwayan.
Sang nakaligad nga semana, nagnegatibo naman ini matapos nagguha ang resulta sa ginapatigayon nga drug test.
Apang suno sa kapulisan apisar nga nagnegatibo sa drug test ang amo nga driver, positibo naman ini nga nakuhaan sang droga nga nakasulod sa chichirya nga ginpadala sa iya padulong sa Capiz Rehabilitation Center rason nga ginpasakaan sa gihapon ini sang nagakaigo nga panumbungon.
