ROXAS CITY – Gindagsa sang mga luyag maka-boto sa palaabuton nga Barangay kag SK elections ang talapatan sang City-Comelec kadungan sang una nga adlaw sang pagsugod sang pagparehistro.
Ini ang ginkumpirmar ni Atty. Rommel Benliro, City Comelec Officer sang mainterview sang Bombo Radyo.
Natigayon nga marehistro ang 152 ka mga botante kun sa diin 73 diri ang naga-edad sang 15-17 samtang 79 naman ang 18-pataas.
Panugyan ni Benliro sa luyag magparehistro personal nga magpadulong lamang sa talapatan sang City Comelec dala ang mga dokumento nga makapamatuod sang pagkakilanlan sang isa ka persona kaangay sang Birth Certificate kag valid id’s.
Kalakip sa voter’s registration ang mga matransfer ukon nagsaylo sang puluy-an kag mga na-deactive nga botante, kinahanglan sang brgy ID pananglitan wala pa sang ID mahimo nga magpresentar sang electric bill nga nakapangalan sa magaparehistro.
Samtang, ang mga overseas voters nga yara na sa Pilipinas ang mahimo mag-transfer sang rehistro para sa pagahiwaton nga local election.
