ROXAS CITY-Pormal na nga ginlunsyar sang City Government sa pagpanguna ni Roxas City Mayor Ronnie Dadivas ang “Upod Kita sa pag excell sa Barangay” ukon seach for Covid-19 Unified Response and Effective Strategies in Barangays 2020.
Ang nasambit nga programa ang pagapasakupan sang 47 ka mga kabarangayan sa siyudad sang Roxas kun sa diin magatutuk ini sa mga nangin best practices sang mga kabaranggayan batuk sa COVID-19.
Ginpahayag ni Roxas City Mayor Ronnie Dadivas nga isa ini ka pamaagi agud maganyat kag hatagan sang inspirasyon ang mga opisyales sa barangay nga maghulag kag maghimu sang mga inisyatibo agud pasangkaron ang ila mga nasakupan nga Barangay kaparehus sang pag-implementar sang face mask/shield ordinance, physical distancing, pagdigamo sa mga LSI kag madamo pa nga inisyatibo.//
Gindugang pa ni Dadivas nga Indi ini bulong apang sa sini nga kumpetisyon makita kag mapasidunggan ang mga barangay nga naga- perform sang maayo kag nagahimu sang istratehiya para mapahagan-hagan ang epekto sang CoVid-19 kaupod sang LGU.
Kalakip sa mga nagtambong amo so DILG Provincial Director John Ace Azaron, City DILg Office Gino Salamanca, kag acting City Aministrator Ronald Amigo.
Ang mapalaron nga tagdaog nga barangay ang magabayon sang P100,000 sa first prize, P50,000 para second prize kag P30,000 para sa Third Prize.
Mahibaluan nga sang tinalikdan nga tuig 2019, ang Barangay Lawaan , Roxas City ang ginkilala nga champion sa amo nga kumpetisyon.
