Opisyal na nga nagsumpa si Vice Governor James “Mitang” Magbanua sang iya katungdanan sa Malacañan Palace, matapos ini mapili-an bilang Bise Presidente sa Visayas sa League of Vice Governors of the Philippines (LVGP).
Sa interview sang Bombo Radyo kay Vice Governor Magbanua, iya ginpahayag nga ginapasalamatan niya ang mga nagpili sa iya bilang isa sa siyam nga opisyales sang nasambit nga liga.
Suno kay Magbanua, ang ini nga posisyon ang indi lang pagpabugal kundi isa ka obligasyon nga dapat ubrahon indi lang sa para sa Probinsya sang Capiz kundi sa kabug-usan nga sakop sang tanan nga Vice Governor sa Pilipinas
Madumduman nga siya ang gin-eleher sa nasambit nga posisyon sang nagligad nga Hulyo.
Dugang pa sang natungdan, nagalaum siya nga mangin ehemplo ang ila nga liga sa maayo nga pang gobyerno kag malikawan ang ano man nga klase sang kurapsyon.
