ROXAS CITY – Pilason ang isa ka 27-anyos nga lalaki matapos nga ginaalegar ginbuno sa Barangay Lagdungan, Tapaz, Capiz.
Ginkilala ang biktima nga si Runil Bargamento sang Barangay Dal-agon, Pavia, Iloilo apang temporaryo nga nagapuyo sa Barangay Lagdungan sang nasambit nga banwa.
Base sa inisyal nga imbestigasyon sang Tapaz Municipal Police Station nga samtang nagainom-inom ang biktima kag suspek nga si Roberto Danid 54-anyos sang Barangay Taft sa amo nga banwa sang hinali na lamang nga nag-angkon sang indi pag-intiendihanay ang duha ka nasambit nga persona.
Bangud sa mainit nga pagbinaisay hinali na lamang nga nagkuha sang kutsilyo ang suspek sa iya nga sling bag kag ginaalegar nga ginsumbag kag ginbuno ang biktima.
Nag-angkon naman sang pilas sa nawala nga porsyon sang iya tiyan si Bargamento.
Gilayon naman nga gindala sa ospital ang biktima agud dapatan sang nagakaigo nga pagbulong.
Nagapabilin naman nga atlarge ang suspek matapos ang insidente.
