PRES. ROXAS, CAPIZ – Naglab-ot sa mas ukon menus P300,000.00 ang ginbilin nga halit sang nagluntad nga sunog sa Barangay Bayuyan, President Roxas, Capiz.
Matandaan nga totally burned ang puluy-an sang mag-asawa nga lunsay senior citizen matapos ginlamon sang kalayo ang ila balay.
Sa interview sang Bombo Radyo sa katapo sang Bureau of Fire Protection (BFP) Roxas nga si FO3 Jonnel Degala, ginpahayag sini nga nagsugod ang sunog takna alas 6:45 sang gab-i kag gindeklarar naman nga fire out takna alas 7:41 sa amu nga gab-i.
Suno kay Degala bangud sa kalayuon sang lugar sa highway kag bangud human sa mixed materials madasig nga naglapta ang kalayo.
Mahibaluan nga sang natabo ang insidente, wala sang tawo ang amu nga puluy-an bangud ginabisitahan lamang ini.
Sa karun, padayon pa nga ginahibalo sang katapo sang mga bombero kung anu ang gintunaan sang nasambit nga sunog.
