-- ADVERTISEMENT --
ROXAS CITY – Arestado ang mag-live-in partner sa ginkasa nga drug buy bust operation sang mga kapulisan sa Barangay Culasi, Roxas City.
Ginkilala ang mga nadakpan nga sanday alyas Mark, 33-anyos kag ang live-in partner sini nga si alyas Mae, 34-anyos nga lunsay mga residente sang nasambit nga lugar.
Narekober sa mga nadakpan ang anom (6) tanan ka sachets sang ginaalegar shabu kag P6,500.00 nga buy bust money sa nagkalain-lain nga denominasyon.
Magapangatubang sa kaso nga paglapas sa Republic Act 9165 ukon Comprehensive Dangerous Drugs Act of 2002 ang nasambit nga mga arestado.
Sa karon yara na ang mga ini sa kustodiya sang mga kapulisan para sa nagakaigo nga disposisyon.
-- ADVERTISEMENT --
