Mga coco lumber nga ginkarga sa jeep sa Sapian, kompiskado bangud wala sang nagakaigo nga permit

ROXAS CITY – Kumpiskado ang pila ka mga coco-lumber matapos nga ginkarga sang isa ka jeep nga wala sang nakaigo nga permit sa Barangay Dapdapan, Sapian, Capiz.

Ginkilala ang driver sang jeep nga si Rolen Ureta.

Base sa impormasyon nga nakuha sang Bombo Radyo sa Sapian Municipal Police Station, nadakpan sa akto sang mga kapulisan ang jeep nga may karga nga mga ginpang-utod nga kahoy.

Gindakup si Ureta matapos nga wala sang may ginpakita nga permit.

Sa karon yara sa kustodiya sang Philippine Coconut Authority ang mga nakumpiska nga coco-lumber.

Samtang gilayon man nga ginhilway ang driver matapos magpakita sang driver’s license.