Ginpatpat ni Ms. Marianne Grace Tamonan, DSWD Regional Social Pension Unit Head ang rason kun ngaa may yara sang mga ginkakas sa social pension program sang Department of Social Welfare and Development (DSWD).
Ini matapos nga may pila ka mga senior citizens ang nagreklamo nga ginkakas sa listahan sang nasambit nga programa.
Suno kay Tamonan nga may gin-conduct ang DSWD nga regionwide revalidation kun sa diin agud mahatagan kahigayunan ang mga yara sa waiting list nga eligible sa social pension.
Pahayag pa sini nga sa tion sang revalidation gina-interview ang isa ka senior citizen kun na-validate nga may mga ikasarang na sila sa pangabuhi kag may nagasuporta sa ila nga himata ukon napatay ang bana sini kag may pension nga ginabaton sa SSS, GSIS kag iban pa, indi na ini qualified sa social pension.
Suno pa diri nga wala nila ginakakas ang isa ka senior citizen nga wala gina-validate.
Nagapadayon naman ang ila revalidation sa bug-os nga rehiyon kun sa diin prayoridad ang mga indigent nga senior citizen nga wala gid bisan isa nga pension nga ginabaton ukon suporta nga nagikan sa pamilya ukon himata.
Sa mga may ara sang reklamo nga senior citizen, suno kay Tamonan may mga regional office staff sa kada banwa nga gin-assign agud mag-address sa mga concern.
Sa karon, kapin 50 porsyento na ang narelisan sang social pension para sa 3rd quarter kag target sini nga bulan sang Setyembre nga malab-ot sa 100% nga marelisan tanan.
