ROXAS CITY – Kumpyansa si House deputy speaker kag Capiz 2nd District Representative Fredinil Castro nga ginalauman na ang overwhelming support sa House of Representative sa ginaduso nga liwat pagpaiway sa Barangay kag Sangguniang Kabataan (SK) election sa bulan sang Mayo.
Sa exclusive interview sang Bombo Radyo Roxas kay Congressman Fredinil Castro, ginpahayag sini nga nagpabor ini sa postponement bangud nagapati ini nga balido ang rason sang Department of Interior and Local Government (DILG) nga 9mil nga mga barangay sa Pilipinas ang may mabaskog nga impluwensiya sang iligal nga droga.
Para mangin patas ang eleksyon sa mga nagaplano magpadalagan sa barangay election ginduso ang nasambit nga hagna para sa sulod sang lima ka bulan, matinluan sang ahensiya kag law enforcement agency ang mga barangay nga nagaduging ang iligal nga droga kaupod na ang mga barangay officials nga nagaganar sang kuwarta gikan sa iligal nga aktibidad.
Samtang nagpanindugan si Castro nga madayun ang eleksyon sa Mayo kun indi pagsuportahan sang Senado ang ginaduso nga postponement sa pinili-ay bangud daku ang papel sang Senado sa nasambit nga isyu.
