ROXAS CITY-Ginganyat sang Branch Manager sang Social Security System ukon SSS ang mga miyembro sini nga mag-apply na sang Calamity Loan antes pa ang deadline sini subong nga bulan sang Setyembre.
Ini ang ginpahayag ni Mr. Rene Moises Gonzales sang mainterview sang Bombo Radyo.
Ginpahayag ni Gonzales nga kinahanglan nga mag amat-amat na ang mga miyembro sang nasambit nga ahensiya nga luyag mag-apply sang nasambit nga loan antes pa man ang deadline sini sa maabot nga Setymbre 14.
Suno sa kay Gonzales nga kapin sa P20,000 ang sarang ma loan sang aplikante apang nakadepende pa ini sa iya nga monhtly contribution.
Gindugang sini nga ang luyag nga mag-apply sang nasambit nga loan ang kinahanglan nga magparegister sa My.SSS, naka kumpleto sang 36 ka bulan nga kontribusyon kag naka kumpleto sang kontribusyon sang tinalikdan nga 12 ka bulan.
Kalakip man sa mga rekesitos amo ang Bank Account aplikante nga kinahanglan nga e-enrol sa system.
Gin-athag ni Gonzales nga online ang application sang Calamity Loan apang bukas man ang amo nga talatapan sa pag pagpagamit sang ila nga mga computer sa mga luyag mag-apply nga wala sang internet
