ROXAS CITY – Liwat nag-apelar sang bulig sa talatapan sang Department of Foreign Affairs (DFA) ang pamilya sang Capizeña nga duha ka tuig na nga missing sa Atlanta Georgia, USA.
Ini matapos nga tobtob sa karon wala pa sila sang nabaton nga balita kun diin na si Cecilia Bustamante sang Barangay Intongcan, Pontevedra, Capiz.
Suno kay Vice Governor Esteban Nonoy Contreras may ginhimo na nga tikang ang DFA agud malab-ot ang bana ni Bustamante nga si Carlo Johnson, apang nagpamalibad nga magkooperar ang lalaki.
Nagalaum ang pamilya Bustamante nga mabuligan sila sang gobyerno nga makita ang nadula nga himata, bangud apektado na sa karon ang iloy ni Cecilia sa pagkadula sini.
Matandaan nga una nga nag-apelar sang bulig ang pamilya Bustamante sa mga otoridad sadtong 2016 sa diin bisan ang Filipino-American community sa Georgia ang nagbulig na sa pagpangita kay Cecilia apang tobtob sa karon wala pa sila sang balita nag nabaton kun diin na ini.
Nahibaluan nga may isa ka anak si Bustamante sa Filipino-American partner nga si Carlo Johnson.
