ROXAS CITY – May pangabay si Provincial Jail Warden Arjuna Yngcong sang Capiz Rehabilitation Center (CRC) sa Brgy. Lawaan, Roxas City, matapos may yara sang isa ka Persons deprived of liberty (PDL) nga ginbawian sang kabuhi bangud sa sakit.
Sa interview sang Bombo Radyo kay Yngcong, ginpahayag sini nga nagpalab-ot sa ila opisina ang amu nga preso kun sa diin malain ang iya pamatyag kag gilayon ini nga gindala sa ospital apang makaligad lamang ang isa ka oras gindeklarar ini sang doctor nga dead on arrival.
Suno diri nga cardiac arrest ang gintunaan sang kamatayon sang nasambit nga preso.
Bangud sini, ginahinyo ni Yngcong nga kun tani may yara sang mga doctor kag nurse nga magapatigayon sang medical mission sa CRC agud matatap ang mga preso nga may ginasupreher nga balatian.
Mahibaluan nga sa karun, may yara sang 336 nga mga PDLs ang CRC kun sa diin 12 diri ang mga kababainhan kag 324 naman ang kalalakinhan.
