IVISAN, CAPIZ – Nagpa-Bombo ang isa ka Ginang nga taga-Roxas City bangud ginapahayag ginpaarakan sang luthang ang iya sakayan-pandagat sa baybayon sang Basiao, Ivisan, Capiz.
Sa interview sang Bombo Radyo kay Diane Janeta Palma, iya ginpahayag nga sakay ang tatlo sini ka tawo nga sanday Jolito Lopez, 35-anyos, Jade Lustrado, 25-anyos kag Johny Trinidad, yara sa legal nga pang-edaron sang tion nga ginpaarakan ang sakayan-pandagat sang kaagahon sang Huwebes, Hulyo 3.
Suno kay Palma nga wala nagpundo ang iya mga tawo bangud nagkuob ang mga ini sa kakulba kag sa pagpati nga indi mga otoridad ang nagpalupok bangud wala naka-uniform.
Na-identify suno diri sang isa sini ka tawo nga personnel sang Bantay Dagat ang isa sa apat ka persona nga sakay sa gamay nga sakayan nga nagpa-arak sa ila sang luthang.
Dugang pa sang natungdan, nag-angkon sang pito ka igo sang bala ang iya sakayan tuga sang pagpa-arak sang luthang sang ginaalegar mga personnel sang Bantay Dagat.
Aminado naman si Palma nga nagbayolar sila sa pagsulod sa baybayon sang Ivisan apang ginkalain lang sini sang buot bangud ginpaarakan luthang ang ila sakayan.
Samtang, ginpahayag ni Ivisan Mayor Ipe Yap nga imbestigaran sang iya opisina kag Municipal Agriculture Office ang natabo. Dugang pa sini nga kun may nalapas ang mga Bantay Dagat sa iya nasakupan indi niya ini pag-i-tolerate.
Panugyan sang alkalde sa mga mangingisda ilabi na sa mga nagapatigayon sang iligal nga pagpangisda nga sundon ang mga pagsulundan agud indi makaangkon sang penalidad.
