Special Session naangut sa request nga ipadalum sa state of calamity ang probinsya sang Capiz, ginsuspendi

ROXAS CITY – Ginsuspendi sang Sangguniang Panlalawigan (SP), ang special session nga ginpatigayon naangut sa pag-paidalum sa state of calamity sang bug-os nga probinsya sang Capiz.

Sa nasambitan nga special session, ginpa-patpat sang SP sa mga resource persons ang mga nangin basehan agud ipadalum ang probinsya sa state of calamity.

Apang, gintawag sang SP nga “incomprehensible” ang mga data nga ginreport.

Ginklaro man sang SP nga indi sila magpamalabag sa amo nga request apang luyag lang sini nga magpresentar ang council sang comprehensible nga data ukon nagakaigo nga mga reports agud mangin basehan sa pag-apruba sang state of calamity sa probinsya.